АҚШ-тың Флорида штатындағы орта мектепте атыс болды деп хабарлайды Qamshy.kz ақпарат агенттігі. Соның салдарынан 17 адам көз жұмды, бірнеше адам жарақат алды.
Атыс жасаған Николас Круз есімді 19 жастағы мектеп оқушысы.
Оны тәртібі үшін мектептен шығарған. Жергілікті БАҚ-тың хабарлауынша, қылмыскер ең алдымен өрт сигнализациясын іске қосып қашқан адамдарды терезеден атқан. Одан кейін мектептегі 12 адамды атқан. Олардың арасында мектеп оқушылары мен ересек адамдар бар. Полиция атыс жасаған адамды ұстады.
2018 жылдың басынан АҚШ мектептерінде 18 атыс болған.
