Абылай хан атындағы Қазақ халықаралық қатынастар және әлем тілдері университетінде оқыған 19 жастағы студент қыздың өлі денесі Алматыдағы таудан табылған.

«Жасы небәрі 19-да еді. Дария аудармашы болуды армандаған. Сол күні үйден университетке асығыс шығып кетті. Бірақ группаластары оның сабаққа қатыспағанын айтты. 7 сәуірде қыздың өлі денесі таудан табылды. Оны өлтіріп кеткені анық», - деп жазды Дарияның құрбысы Мейрамгүл Исатай әлеуметтік желідегі парақшасына.

Алматы қаласы ІІД дерегіне сәйкес, студент қыз өзіне қол жұмсаған.

«Қазіргі уақытта тергеу жұмыстары жүріп жатыр. Деректер қыздың өзін-өзі өлтіргенін айғақтайды», - деді Алматы ІІД-нің ресми өкілі Салтанат Әзірбек.

Айта кетейік, Дария 5 сәуірде жоғалып кеткен. Үйінен университетке деп шыққан бойжеткен сол күйі сабағына бармаған, үйіне де қайтпаған.