Ресейдің Твер облысында қажылыққа бара жатқан адамдары бар экскурсиялық автобус аударылып, соның салдарынан екі жолаушы қаза болды. Бұл туралы ТАСС агенттігі хабарлайды.
Қажылыққа бара жатқан автобус ішінде 40-қа жуық адам болған. Олардың 11-і ауруханада жатыр, ал екі адам қаза тапты. РФ ТЖМ Орталық өңірлік орталығының дерегі бойынша, қалғандары уақытша орналастыру бекеттеріне жеткізілген. Таяу уақытта қылмыстық іс қозғау мәселесі шешіледі.
