Танымал қазақстандық боксшы Геннадий Головкин мен Елбасының маусым айында өткен кездесу сәтіндегі эксклюзивті видеоны Президенттің телерадиокешені әлеуметтік желіге жарияланды деп жазады Qamshy.kz ақпарат агенттігі.
"Қыркүйек айында сені өте жауапты кездесу күтіп тұр. Бүкіл қазақстандықтардың атынан саған сәттілік тілеймін. Сенің жекпе-жектеріңді барлық қазақстандықтар бар ынтасымен қарайды, асыға күтеді. Біз сені мақтан тұтамыз. Сенің жетістіктерің жастар үшін, олардың тәрбиесі үшін аса маңызды", — дейді Елбасы.
Кездесу кезінде "менің міндетім жаулап алу, сіздің міндетіңіз басқару", - деп күлген Головкин өзінің чемпиондық белдіктерін Елбасыға сыйға тарқан. Елбасы өз кезегінде Головкинді "Қазақстан Республикасының Тұңғыш Президенті - Елбасы Нұрсұлтан Назарбаев" орденімен марапаттады.
