Елбасы Нұрсұлтан Әбішұлы  Оралда өткен "Жастар форумынан" кейін бір топ спорт және өнер жұлдыздарымен бірге сельфи жасады. Бұл осымен Еласының әлеуметтік желілерге таралған үшінші сельфиі болып тіркелді.

Форум барысында Елбасымен бірге сельфи жасаған жұлдыздардың қатарында Мая манеза, Серік Сәпиев, Сәбина Алтынбекова, Нұрлан Қоянбаев т.б. да бар. Бір қызығы, Мая Манеза мен Серік Сәпиевтер ұялы телефонына сельфи жасауды ұйғарса, Ильия Илин арнайы фотоаппараттың көмегіне жүгінген. Елбасынан жастармен бірге сельфи жасауды әдеттегідей Ильия Илин өтінген. "Нұрсұлтан Әбішұлы, есіңізде ме, мен өткен жолы сельфи деген суретке түсуді өтініп ем ғой. Енді сондай суретті Қазақстан жастарымен бірге жасасақ қалай болады?",-деп сұраған Ильинге Елбасы "Саған бәрі болады",-деп жымиған.

Бұл осымен Елбасының үшінші сельфиі болып тіркелген. Алғаш рет, он ай бұрын, Ақорданың ресми "Instagram" парақшасында Елбасы Нұрсұлтан Әбішұлы Малайзия премьер-министрі Наджиб Тун Разак мырзамен жасаған сельфи суреті жарыққа шыққан болатын. Одан Тәуелсіздік күні қарсаңында Елбасы ауыр атлетикадан 4 дүркін әлем чемпионы, 2 дүркін олимпиада чемпионы Ильия Илинмен бірге сельфи жасаған еді.

Нұрзат Тоғжан