Демалыс күндері полиция департаментінің жергілікті полиция қызметі «Мас жүргізуші – қылмыскер» жедел-профилактикалық іс-шарасын өткізді, – деп хабарлайды Qamshy.kz ақпарат агенттігі Астана әкімдігінің баспасөз қызметіне сілтеме жасап.
2 күн ішінде жол қозғалысы ережесін бұзудың 722 фактісі анықталып, 30-дан астам жүргізуші мас күйінде ұсталған. Жаяу жүргіншілерге қатысты жол ережесін бұзған 84 жүргізуші анықталды. Сондай-ақ, 8 жүргізуші көлік жүргізу құқығынан айырыла тұра рөлге отырған. Жол жүру ережесін бұзған 160 жаяу жүргінші тіркелді.
