«Қазақстан-2050» Демократиялық күштердің ұлттық коалициясының отырысы барысында «Ақ жол» партиясының төрағасы Азат Перуашевтің айтуынша, Қазақстан Президентінің Жолдауы халықтың көзін тағы бір ашты, ой-сананы өзгертті. Мемлекет басшысы дамудың басты құндылығын атап өтті, мұны экономика емес, саясат емес, қарапайым адам екенін тағы айтты.
«Мен өзімнің әріптестерімнің назарын осы Жолдаудың ерекшеліктеріне аударғым келеді, біз Елбасымыздың Жолдауынан ұсыныстар мен бастамалардан бұрынғы жағдайды тағы бір өзектендіруді күтіп жүрген болатынбыз, бірақ алғаш рет мынаған көзіміз жетті, біздің дамуымыздың түпкі мақсаты мен негізгі құндылығы дегеніміз - бұл экономика немесе саясат емес, қарапайым адам, әлеуметтік қызметтерге қолжетімділік, өмір сапасы, Конституциямен қамтамасыз етілген жеке қадір-қасиет құқығы, өмір сүру мүмкіндігі, соның ішінде қалаған жерде және өзі үшін қажетті деңгейде өмір сүру», - деді Перуашев.
Ол мұның жай ғана сөз емес, бұл Конституцияда бекітілген маңызды, бағалы дүние екенін тағы бір еске салды.
«Президент осы тұрғыдан алғанда, өзіміздің Конституциямыздың шынайы кепілі екендігін тағы да дәлелдеді.Сонымен қатар, экономика, бизнес және саясат, әсіресе әлемде болып жатқан оқиғалар – мұның бәрі екінші орында. Өзгелері сауда санкцияларының әдісімен, кез-келген жерде шабуыл, дау-дамаймен, қару-жарақпен қиындықтарды шешуге тырысып жатса, шалқыған, асып-тасқан байлығы болмаса да, Елбасымыз еліміздің әрбір азаматы үшін қалыпты лайықты өмірді қамтамасыз ету үшін мүмкіндіктер тапты және қаражат жіберді. Менің ойымша, мұны әсте бағалай білгеніміз дұрыс », - фракция басшысы.
Бұдан басқа, ол салық амнистиясын жүргізу туралы ұсыныс бизнес үшін өте маңызды екенін атап өтті.
«Біздің фракция үкіметке бірнеше рет салық салуды шектеу туралы ережені азайту туралы ұсыныспен бірнеше рет өтініш білдірді, кем дегенде, Ресейдегі секілді бес жылдан үш жылға дейін азайтуды ұсындық. Ал қазір бізде Мемлекет басшысының саясаты арқасында бұл тақырыпты жаңаша жаңартып отырудың өте жақсы мүмкіндігі бар. Қазір мен Демократиялық күштердің ұлттық коалициясының әріптестеріне үндеу жасаймын, біз Үкіметке өтініш жасаймыз және кәсіпкерлерге қатысты осындай маңызды қадамдарды жасай аламыз, салықты шектеу мерзімін қысқарту үшін бізге қолдау көрсетуді сұраймыз», - деп сөзін қорытындылады Азат Перуашев.
