Семей қалалық Арбатта еліміздің барлық өңірінен және жақын шетелдерден келген шеберлер мен қолөнершілер қала тұрғындарына өз шығармашылығын таныстыру үшін жиналды.

Шара  облыстық әкімдіктің қолдауымен қалалық Достық үйі өкілдерінің ұйымдастыруымен өткізілді. 

–  Сәндік-қолданбалы өнер фестивалі  "Рухани жаңғыру" бағдарламасы аясында өткізіліп жатыр. Бүгін мұнда Шығыс Қазақстан, Қызылорда, Ақтау және Павлодардан 70-тен астам шебер жиналды. Сондай-ақ Ресейден арнайы қонақтар шақырылды. Іс-шараның басты мақсаты – біздің шеберлердің жұмысын және қолданбалы шығармашылықтың жыл сайын дамып отыратынын көрсету. Шара барысында Қазақстанның шығармашылық ұжымдарының қатысуымен мерекелік концерт өтеді, – дейді қалалық Достық үйінің директоры Надежда Шарова.

Фестиваль соңында үздік жұмыстардың авторлары бағалы сыйлықтар мен естелік сертификаттарға ие болады.

Семей қаласының ақпараттық орталығы