Нұрсұлтан Назарбаевтың фитнес-гаджетіндегі деректер туралы Елбасының баспасөз хатшысы Айдос Үкібаев өзінің Twitter-тегі парақшасында жариялады.

"Нұрсұлтан Назарбаев үшін салауатты өмір салтын ұстану әрқашан басымдық болған. Әзербайжан республикасына жасаған сапар аясындағы тығыз жұмыс кестесіне қарамастан Каспий теңізі жағалауында 4 жарым шақырым жаяу жүрді" делінген Үкібаевтың жазбасында.

Трекер дерегінше, Нұрсұлтан Назарбаев 4,5 шақырымды 1 сағат 16 минутта ​басып өткен.

Айдос Үкібай осылайша Елбасының денсаулығы нашарлап кеткені, емделу үшін үнемі Германияға барып жүргені жайындағы қаңқу сөзге жауап бергендей болды.

Елбасы 14-15 қазан күндері Әзербайжанның астанасы Бакуде өткен түркі тілдес мемлекеттердің ынтымақтастығы кеңесінің 7-ші отырысына қатысты.