Қазақстанда «Бейбіт митингілер туралы» жаңа заң әзірленеді. Бұл туралы Қазақстан Республикасының Президенті Қасым-Жомарт Тоқаев мәлімдеді деп жазады Qamshy.kz ақпарат агенттігі.
"Біз Конституциямызға сәйкес митингілерді ұйымдастыру туралы жаңа қағидалар енгізуді бастауымыз керек. Егер заңды және қоғамдық тәртіпті бұзбаса және азаматтардың тыныштығына кедергі жасамаса, митингілерге рұқсат етіледі. Бұл менің жеке ұстанымым. Сіздер білетіндей, енді біз мұны заңды түрде бекітеміз. Митингі мәдениетін қалыптастырудың уақыты келді", - деді Тоқаев.
