Тоқаев елдің сыртқы саясатының басым бағыттарын айқындарда Назарбаевпен ақылдасады

/image/2019/12/24/crop-151_3_529x705_10421238.jpg

sputniknews.kz

Қазақстан президенті Қ.Тоқаевтың қарауына "Қазақстан Республикасының сыртқы саясаты концепциясы" туралы заң жобасы келіп түсті. Онда сыртқы саясатқа байланысты бастамалар тұңғыш президент Нұрсұлтан Назарбаевпен келісілуі тиістігі жазылған, деп хабарлайды Qamshy.kz ақпарат агенттігі ehonews.kz сайтына сілтеме жасап.

Құжатта елдің сыртқы саясатының негізгі бағытын Елбасы айқындайды деп атап өтілген.

"Мемлекеттің ішкі және сыртқы саясатындағы негізгі бағыттар бойынша жасалатын бастамалар ҚР тұңғыш президенті – Елбасымен келісіледі, делінген заң жобасында.

Бұған дейін, 9 қазанда "Қазақстан Республикасы президентінің кейбір актілеріне өзгерістер мен толықтырулар енгізу туралы" жарлығы шыққан. Оған сай, президент өзіне тікелей бағынатын және есеп беретін органдардың басшыларын тағайындамас бұрын қауіпсіздік кеңесінің төрағасымен келісуі керек. Олардың қатарына президент әкімшілігі, бас прокуратура, ұлттық қауіпсіздік комитеті, ұлттық банк, республикалық гвардия, "Сырбар" сыртқы барлау қызметі, президенттің күзет қызметі, республикалық бюджеттің атқарылуын бақылау жөніндегі есеп комитеті, президент істері басқармасы, сыбайлас жемқорлыққа қарсы іс-қимыл агенттігі кіреді.

Бұл жарлықтан соң қоғамда қосбилік мәселесі төңірегіндегі әңгіме өрши түскен.

Тоқаев елдің сыртқы саясатының басым бағыттарын айқындарда Назарбаевпен ақылдасады

Связанные теги :

Связанные Статьи