Қырғызстанның экс президенті Алмазбек Атамбаев 11 жылға сотталды. Бішкектің Первомай аудандық сотында криминал авторитет Азиз Батукаевты заңсыз босату туралы іске қатысты сот үкімі шықты, деп жазады 24.kg сайты.
Бұрынғы президент Алмазбек Атамбаев сотта қорытынды сөз сөйлеуден бас тартты. Бұған дейін прокурорлар оның мүлкін тәркілеумен қатар 15 жылға бас бостандығынан айыруды сұраған болатын.
Талқылау бөлмесінен шыққаннан кейін судья Эмильбек Кайыпов Алмазбек Атамбаевты мүлкін тәркілеумен бірге 11 жыл 2 айға бас бостандығынан айырды.
