"Коронавирус, кет, кет кет" әнінің авторы Марат Омаровтың Шымкентте той жасағаны анықталды. Бұл туралы Azattyq Ryhy сайты хабарлады. 

Сайт мәліметінше, әлеуметтік желілерде жарияланған той видеосы Шымкент қаласының "Караван" кафесінде түсірілген. Елімізде той-жиын жасауға тыйым салынғанына қарамастан, әнші Марат Омаров тойханада қызын ұзатқан. 

Шымкент қаласы әл-Фараби ауданы бойынша санитарлық-эпидемиологиялық бақылау басқармасы оқиғаға қатысты пікір білдірді.

– Тәртіп бұзушыларға қатысты әкімшілік жаза қолдану үшін әкімдік пен полиция департаментіне хат жолданды, – деді департамент өкілдері. 

Видеода той конақтарының арасынан Марат Омаров, Сабина Алтынбекова және әнші Қайрат Түнтековты байқауға болады.