Аса мәртебелі, «Қамшы.kz» порталының оқырмандары!!!

Алты Алашқа сүйіншілеп бастаған «Қазақ дауысы» халықаралық ән байқауының ІІ кезеңі аяқталды. Қатысушылардың жинаған дауыс саны мен пікірлері ескеріле отырып, Қазылар алқасының шешімімен байқаудың ІІІ кезеңіне 25 қатысушы өтті.

«Қазақ дауысы» Халықаралық ән байқауы 2 кезең қортындысы (2015)

Қазылар алқасы: Рамазан Стамғазиев, Еркін Шүкімәнов, Алтынай Жорабаева, Мөлдір Әуелбекова, Ұшқын Жамалбек(Алашұлы).

Ескерту: Тыңдарман дауысы мен пікірлердің Қазылар шешіміне ерекше ықпал еткенін ескертеміз. 

ІІІ кезеңнің шарты:

Қазылар алқасының төрағасы Рамазан Стамғазиев дәстүрлі ән орындаушыларға төмендегі 13 әннің тізімін ұсынды. Ал шетелдегі қазақтар үшін аталған әндерден сырт сол өңірдің жұртқа жетпеген, елге танылмаған, көркемдік қуаты биік әндерін де ұсыну мүмкіндігі берілді.

1. «Топай көк»
2. «Көк жендет»
3. «Жиырма бес»
4. «Ағаш аяқ»
5. «Толқын» – Үкілі Ыбырай
6. «Екі жирен» 2 түрі
7. «Тік шырқау» – Кенен Әзірбаев
8. «Бақша» – Майра Уәлиқызы
9. «Шама»
10. «Күләш» – Мұхит Мерәліұлы
11. «Айнам көз» – Мұхит Мерәліұлы
12. «Кіші Айдай» – Мұхит Мерәліұлы
13. «Қанатталды»

Эстрада бағыты бойынша Шәмші Қалдаяқовтың, Нұрғиса Тілендиевтің, Әбілахат Еспаевтың әндерін орындау шарт. Яғни аталған композиторлардың кез келген әнін орындауға болады.

Бейнежазбалар бүгіннен бастап қабылданады. 15  қыркүйектен бастап, 5 қазанға дейін жарияланады. Бейнежазбаны ертерек жіберу қатысушының дауыс жинауына оң ықпал етеді.

Қатысушы байқауға ұсынатын әнін орындаудың алдында мына сөздерді айтуы міндетті: «Қамшы» порталы ұсынған арнайы «Қазақ дауысы» жобасының 3 кезеңі үшін мен(біз) аты-жөні әннің аты(мәлімет) – ын орындаймын(-ыз). Қабыл алыңыздар. Егер сіздерге ұнап жатса, дауыс беріп, пікір қалдыруларыңызды сұраймын.

 Нағыз тартысты сәт алдағы күндердің еншісінде. Сондықтан қазылар алқасының сараптауынан өткен таңдаулы әншіңізге жанкүйер болып, дауыс беруді жалғастыра түсіңіз. «Қазақ дауысын» «Қамшы» порталымен бірге анықтайық. Ал үшінші кезеңге өткен әншілерге сәттілік тілейміз.