Пандемия басталғалы Алматыда 1600 медицина қызметкерінен коронавирус анықталған. Бұл туралы қалалық санитариялық-эпидемиологиялық бақылау департаменті басшысының орынбасары Әсел Қалықова онлайн брифингте хабарлады.

Оның айтуынша 2020 жылдың қортындысы бойынша 1600 медицина қызметкерінің 1400-ден астамы коронавирус инфекциясын жұқтырған. Оның 200-і этиологиясы белгісіз пневмонияға шалдыққан.

– Бүгінде қалада тәулігіне 15 670 сараптама жасайтын 26 ПТР зертхана жұмыс істейді. Алдағы уақытта олардың қуаттылығын тәулігіне 26 992 сараптамаға дейін ұлғайту жоспарлануда. Сонымен қоса тәулігіне 3248 сараптамалық өткізу қуаты бар 14 иммунды ферментті талдау (ИФТ) зертханасы жұмыс істейді, – деді Ә. Қалықов.