Шығыс Қазақстан облысының Зайсан ауданында мал жаппай қырылып жатыр, деп жазады sputnik.kz сайты.
Облыстық ветеринария басқармасы малдың қырылуына гипотермия себеп болғанын айтқан.
Облыстық ветеринария басқармасы басшысының орынбасары Ертай Батхолдин жалпы Шілікті ауылдық округінде 100-ге жуық ірі қара мен 110 бас қой-ешкі ауырғанын айтқан.
Жергілікті мамандар жаппай қырылуға қыс мезгілінен кейін малдың иммунитеті әлсіреп, күш-қуаты сарқылуы, 25-28 сәуір аралығында өңірде ауа температурасы төмендеп, жауын-шашын болуы себеп деген пікірде.
– Соның салдарынан әлсіреген жануарларда гипотермия пайда болып, жас жануарлардың жаппай қырылуына әкеп соқтырған. Қазіргі кезде өлекселерден патологиялық сынамалар алынып, облыстық зертханаға тапсырылды, – дейді Ертай Батхолдин.
Оставить комментарий