Павлодарлық түлек Данияр Уалиев ұлттық бірыңғай тестілеу (ҰБТ) тапсырғандардың арасында ең жоғары 140 баллды жинады. Бұл туралы білім және ғылым министрлігі жанындағы қоғамдық кеңестің мүшесі, "Білім-Инновация" қоғамдық қорының қызметкері Нұрбол Төлебаев facebook парақшасында хабарлады
– Сүйінші! Сүйінші! Оқушымыз ҰБТ-дан 140 алды. (Әзірге ресми ҰБТ-дан биылдыққа алғашқы 140). Қорымыз жариялаған соңғы үлгідегі MacBookPro М1 иеленген Уалиев Данияр Арманұлы – Павлодардағы ер балаларға арналған "Білім-Инновация" лицейінің 2020-2021 жылғы түлегі, – деп жазды Төлебаев.
Оның айтуынша, Данияр Уалиев – "Алтын белгі" үміткері. Жүзуден спорт шеберіне үміткер, бірнеше мәрте ҚР чемпионы. Жалпыресейлік жарыстардың жүлдегері. Nur-Sultan Оpen халықаралық жарысының чемпионы.
Оставить комментарий