Венгрия парламенті үкіметтің босқындарға қарсы қару қолдануына рұқсат беретін заңды мақұлдады. Бұл туралы «Қамшы» порталы  деп  BBC News- ке сілтеме жасай отырып хабарлайды.

 Шекара тәртібін бұзған босқынды мажарлық әскерилер резіңке оқпен немесе көзді жасаурататын газбен қуа алатын болы. Венгрия парламенті бұған дейін көші-қон туралы заңды қатаңдандырып,  рұқсатсыз кірген мигрантты  қамауға рұқсат берген.

Венгрия премьер-министрі Виктор Орбан Еуроодақтың сыртқы істер министрлерінің кеңесінде  босқындардың еуропалық елдер шекарасына үлкен қауіп төндіріретінін мәлімдеді. Оның ойынша  Еуроодақ жабайы көші-қонға  дереу тосқауыл қоюы тиіс.

 Ағылып келіп жатқан босқындарды  тоқтату үшін Венгрия билігі Сербиямен шекараға темір тікенді сымдар тартып тастаған. Дәл осындай қабырғаны Хорватиямен арадағы шекараға да орнатпақшы екен.