Жамбыл облыстық полиция департаментінің бастығы, полиция генерал-майор Жанат Сүлейменов Тараз қаласындағы жол апатынан екі адамның қайтыс болғанын хабарлады.
Оқыс оқиға 15-ші қыркүйек болған. Жеңіл көлік жүргізушісі Сейфуллин көшесінен Б.Момышұлы көшесіне қарай бет алғанда 4 жаяу жүргіншіні қағып кеткен. Салдарынан 2 жаяу жүргінші оқиға орнында қайтыс болды, 2 адам Тараз қалалық №1 ауруханасына жатқызылды.
Полицейлер Тараз қаласының тұрғыны болып табылатын 23 жастағы жүргізушіні анықтап, ұстады.
Қазір аталған факт бойынша Қылмыстық Кодекстің 345-бабы 4-бөлігі (абайсызда екi немесе одан да көп адамның өлiмiне әкеп соққан іс-әрекет) бойынша сотқа дейінгі тергеу басталды. Қазіргі уақытта тергеу амалдары жүргізілуде. Бірқатар қажетті сараптамалар тағайындалды.
Посмотреть эту публикацию в Instagram
Оставить комментарий