Жамбыл облысы Аса ауылында газ өңдеу зауытында өрт шықты, деп хабарлады Жамбыл облысы ТЖД баспасөз қызметі.
"Жамбыл облысы Жамбыл ауданы Аса ауылында "Амангелді ГӨЗ" ЖШС-нің Тараздағы бөлімшесі (газ өңдеу зауыты) аумағында өрт шықты. Жалпы көлемі 480 текше метр дизель отыны бар екі цистерна жанып кетті. Төтенше жағдайлар департаментінің жедел қызметіне шақырту сағат 12.04-те келіп түсті, делінген хабарламада.
Өрт сағат 13.05-те оқшауланып, 13.17-де сөндірілген. Зардап шеккендер мен қаза болғандар туралы мәлімет жоқ.
Өртті сөндіруге 21 техника мен 75 адам жұмылдырылған. Оттың неден тұтанғаны әзірге белгісіз.
