Қазгидромет Қазақстанның сегіз облысында ауа райының қолайсыздығына байлынысты дабылды ескерту жариялады. 

Ақтөбе облысының оңтүстік-батысында күндіз көктайғақ күтіледі. Солтүстік-шығыстан жел соғады, облыстың солтүстік-батысында және орталығында жел екпіні 15-20 м/с болады деп күтілуде

Маңғыстау облысының солтүстігінде, солтүстік-шығысында көктайғақ болады.

Түркістан облысының солтүстігінде тұман болады деп болжанады. Оңтүстік-батыстан жел соғып, күндіз таулы аймақтарда жел күші 15-20 м/с жетеді.

Батыс Қазақстан облысының солтүстігінде тұман болады күтіледі.

Қарағанды облысының батысы мен орталығында желдің екпіні 15-20 м/с болады.

Қызылорда облысының солтүстігінде көктайғақ болады. Оңтүстік-батыстан жел соғып, түнде облыстың орталығында күші 15-20 м/с жетеді.

Шығыс Қазақстан облысының орталығы, оңтүстік-шығысында бұрқасын күтіледі. Желдің екпіні 15-20 м/с құрайды, күндіз Жарма ауданында жел күші 23-28 м/с дейін артады.

Алматы облысында желдің жылдамдығы 15-20 м/с болады. Алакөл көлдерінің ауданында жел екпіні 29 м/с және одан жоғары көтеріледі деп болжанады.