АҚШ президенті Джо Байден Украинадағы барлық америкалық азаматтарды елден дереу кетуге шақырды.
Байден Мәскеу Украинаға басып кіретін болса, америкалықтарды құтқару үшін әскер жібермейтінін, аймақта жағдай тез өзгеруі мүмкін екенін ескертті.
Ресей Украинамен шекара маңына 100 мыңнан астам әскер орналастырғанына қарамастан, Украинаға басып кіру жоспарын бірнеше рет жоққа шығарды.
Мәскеу көрші Беларусьпен жаппай әскери жаттығуларды бастады, ал Украина Ресейді "теңізге шығуымызға тосқауыл қойды" деп айыптады.
Кремль бұрынғы кеңестік көршісінің НАТО-ға қосылмауын қалайды, сондай-ақ Мәскеудің талабы бойынша НАТО Шығыс Еуропадағы әскери ықпалын азайтуы керек.
Батыс елдері мұны қабылдамады, оның орнына келіссөздердің басқа салаларын, мысалы, ядролық қаруды қысқарту туралы келіссөздерді ұсынды.
Оставить комментарий