Мәжіліс спикері Ерлан Қошанов Nur Otan партиясының съезінде партия атауын ауыстыру қажеттігі туралы айтты.
– Елмен қатар бізге партияны да жандандыру керек. Соған байланысты партия атын өзгерту керек деп санаймыз. Мұндай ұсыныс талқыланып, әр қырынан қаралды. Түрлі ұсыныс түсті. Біз "Аманат" лайықты атау деп шештік. Бұл жерді ата-бабамыз бізге аманат етіп қалдырған. Біз соған лайық болуымыз керек, – деді ол.
Ұсынысты президент Қасым-Жомарт Тоқаев қолдады.
Бұған дейін әлеуметтік желіде Nur Otan съезінде партия атауы өзгеретіні туралы ақпарат шыққан.
