Алматыдағы аудандық ауруханалардың бірінде 14 жастағы жасөспірімнің қайтыс болғаны хабарланды. 13 наурызда ата-анасы ұлын бір күн бұрын белгісіз адамдар аяусыз ұрып-соқты деп полицияға шағымданған.
Полицейлер ҚР Қылмыстық кодексінің 106-бабы бойынша өтініштің келіп түскенін растады. Ал соққыға жығылған оқушы келесі күні қайтыс болды.
"Қазір болған оқиғаның барлық мән-жайлары анықталып, қажетті тергеу жүріп жатыр. Баланың денесінде зорлық-зомбылықтың белгілері жоқ. Өлім себебін анықтау үшін сот-медициналық сараптама жасалады", - деп хабарлады Алматы облысы полициясының баспасөз қызметі.
Ведомство сонымен қатар сараптамалық зерттеу аяқталғаннан кейін түпкілікті іс жүргізілетінін айтты. Басқа ақпарат жария етілмейді.
Оставить комментарий