Қазақстанда тұрғын үйді жалға алу құны тағы да қымбаттай бастады. Бұл туралы Krisha.kz хабарлады.

27 маусым мен 26 шілде аралығын салыстырғанда, баға 1 айда 4,2% өскен. Өсім 13 қаланың 11-інен байқалады.

Тұрғын үйді жалға беру бағасына жүргізілген мониторинг нәтижесі бойынша:

• Қостанай, Петропавлда – 10%;
• Алматы, Шымкентте – 7%;
• Ақтауда – 5%;
• Ақтөбеде – 4%;
• Астана, Қарағанды, Оралда – 3%;
• Павлодар, Көкшетаудa 2%-ға артты.

Атырауда баға өзгерген жоқ. Ал Өскеменде 1 пайыз төмендеді.

Сұранысқа қарай жалдау бағасының өсуі шілденің ортасында басталды.

27 шілдедегі тұрғын үйді жалға алудың орташа бағасы мынадай:

• бір бөлмелі пәтер – 124 мың теңге;
• екі бөлмелі пәтер – 165 мың теңге;
• үш бөлмелі пәтер – 209 мың теңге.