Қазақстан "Талибанды" тыйым салынған ұйымдар тізімінен алып тастайды. Бұл туралы Қазақстанның сыртқы істер министрлігінің ресми өкілі Айбек Смадияров inform.kz сайтына берген сұхбатында айтқан.
- Қазақстан елде тыйым салынған террористік ұйымдардың ұлттық тізіміне үнемі ревизия жүргізеді. Аталған үдеріс шеңберінде БҰҰ тәжірибесіне сәйкес, одан "Талибан қозғалысын" алып тастау туралы шешім қабылданды. БҰҰ Қауіпсіздік Кеңесінің орындауға міндетті қарарларына сәйкес, "Талибан қозғалысы" БҰҰ Қауіпсіздік кеңесі террористік деп таныған ұйымдардың тізімінде жоқ, – деген Айбек Смадияров.
Сондай-ақ Айбек Смайдияровтың айтуынша, "Талибан" түрлі елдермен, соның ішінде Қазақстанмен дипломатиялық қарым-қатынас орнатуға және әлемдік жұртшылық алдында өзін ақтауға тырысады. Ұйым көрші елдермен сауда қарым қатынасын жақсартуға тырысып жатыр.
Оставить комментарий