Бұрынғы Әділет министрі Марат Бекетаевты қамауда ұстау мерзімі тағы да ұзартылды. Бұл туралы Астана қаласының мамандандырылған ауданаралық соты хабарлады.
Бекетаевтың келесі сот отырысы 21 маусым күні өтетін болды.
Еске сала кетейік, 2023 жылы бұрынғы әділет министрі Марат Бекетаевқа "мемлекет басшысының заңсыз шығарылған активтерді іздеу және қайтару жөніндегі тапсырмасын орындау кезінде лауазымын асыра пайдаланды" деген айып тағылған. Ол елден кетпеу туралы қолхатпен бостандықта жүрген. Кейін экс-министрдің "Астана-Ыстамбұл-Лондон" бағытында билет сатып алмақшы болғаны белгілі болған еді.
Оставить комментарий