Ұлттық қауіпсіздік комитеті тамызда прокуратура мен полициямен бірігіп Алматы қаласында, Қарағанды, Түркістан, Ұлытау облыстарында терроризмге қарсы іс-шаралар өткізгенін хабарлады.
ҰҚК мәліметінше, деструктивті діни ағымның жақтаушылары ретінде Қазақстанның 5 азаматы мен 1 шетелдік ұсталған. Олар өшпенділік пен зорлық-зомбылық идеологиясын әлеуметтік желілер және басқа да жолдармен таратты деп күдіктелуде.
"Заттай дәлелдемелер табылды және алынды, оның ішінде 3 ұрыс гранатасы бар. Күдіктілердің екеуі бұған дейін тонау және ұрлық үшін сотталған. Ұсталған адамдарға қатысты Қылмыстық кодекстің 256-бабы бойынша сотқа дейінгі тергеп-тексеру жүргізілуде" делінген хабарламада.
Оставить комментарий