Әр екінші кісі өлтіру мас күйде жасалады. Алкогольді қылмыстың басты қоздырғышы деп атаған Мәжіліс депутаты Магеррам Магеррамов елде сауданы қатаң шектеуді ұсынды.

Бұл ұсыныстарды депутат Мәжіліс отырысында айтты. Ол мемлекет ең қымбат ресурс – адам әлеуетін алкоголь кесірінен жоғалтып отыр деді.

ІІМ дерегін депутат келтірді: елде әр екінші кісі өлтіру, әр үшінші зорлау мен бұзақылық мас күйде жасалады; әр төртінші тонау мен жол апаты, ал отбасылық-тұрмыстық зорлық-зомбылықтың жартысынан көбі алкогольмен байланысты тіркеледі.

Жасөспірімдердің мас күйінде қоғамдық тәртіп бұзғаны туралы ақпараттар жиі шығады деді ол. Сауда нүктелерінің «шектен тыс көбейіп кетуі» бақылауды әлсіретіп отыр деді.

Нақты қадамдар қандай болмақ?

ҚХП фракциясы алкоголь сататын нүктелер санын шектеуді және білім беру, балалар ұйымдары маңында 100 метрлік тыйым аймағын қайта енгізуді ұсынды.

Алкогольді тек нақты белгіленген орындарда сату керек, өзге жерлерде сатуға толық тыйым салу қажет деді депутат.

Уақыттық шектеу да ұсынылды: дүкендерде сауданы 20:00-ден кейін тоқтату, кафе мен мейрамханаларда 22:00-ден кейін беруді шектеу, ал онлайн сатуды мүлде тоқтату керек деді.

Маркілеу және бақылау

Алкоголь өнімін міндетті цифрлық маркілеуге енгізу ұсынылды. Бұл көлеңкелі айналымды дәл қадағалауға және заңсыз сатуды тежеуге мүмкіндік береді деді Магеррамов.

Бұған қоса, ІІМ бұған дейін алкогольді тек арнайы дүкендерде, шектеулі режиммен сату мәселесін көтерген еді.

Аймақтардағы тәжірибе: «құрғақ» ауылдар

Елде 429 ауыл алкогольден толық бас тартты. Актөбе облысында 33 ауыл ішімдікті тоқтатты, Қызылорда облысында 18 елді мекен трезв өмірге көшті.

Атырау облысының 53 ауылында спирттік ішімдік сатылмайды. Екі жыл ішінде ол жерлерде құқықбұзушылық тіркелмеді, бұл тәжірибені өңірдің өзге аумақтарына да тарату жоспарланып отыр.

Қоғамдық қауіпсіздік пен ұлттық денсаулық үшін жауапкершілікті күшейту керек деп қорытындылады фракция.

Бұл туралы Qamshy.kz ақпарат агенттігі хабарлайды.