• USD 389.52
  • EUR 429.21
  • RUB 6.07
  • CNY 54.94
15 Қазан, 06:05:24
Ермекбаев: Жұмыс қауіпті, өмірлері үшін қауіп-қатер бар

12 Қазан, 2016 NEWS

Ерасыл Әубәкіровті өлтіргендерге сот үкімі шықты

Алқа билер Ерасыл Әубәкіровтің өлімі бойынша істе үкім шығарды, - деп хабарлайды 

Алқа билер Ерасыл Әубәкіровтің өлімі бойынша істе үкім шығарды, - деп хабарлайды  Qamshy.kz Tengrinews.kz-ке сілтеме жасап.

Бүгін елорда сотында атышулы іс бойынша сот аяқталды.  Төреші Асхат Әшірбеков пен алқа билер кеңес бөлмесінен шығып, осы іс бойынша үкім шығарды. 

Нұрбек Әжімбай мүлкі тәркілене отырып, 20 жылға бас бостандығынан айырылды. Андрей Тихоненко 16 жылға бас бостандығынан айырылды, ал Виталий Шерстнев 11 жылға сотталды.

Бір ай бұрын, 7 қыркүйекте Астанада атышулы іске қатысты сот басталған болатын. 23 жастағы Ерасыл Әубәкіровті өлтірді деген күдікпен сот алдына үш адам келді: Нұрбек Әжімбай, Виталий Шерстенев және Андрей Тихоненко. Оларға "Ұйымдасқан қылмыстық топ құру және оған басшылық ету", "Адамды бостандығынан заңсыз айыру", "Сексуалдық сипаттағы зорлық әрекеттері", "Адам өлтіру" және "Бопсалау" баптары бойынша айып тағылды. 

Бұл істе бастапқыда Аян Мейірбаев күдікті болған еді. Оған қатысты қудалау қылмыс құрамының жоқ болуына байланысты тоқтатылған еді. Ол тергеу изоляторынан босап шықты.  

Еске салайық, биыл ақпанда Астанада медициналық университеттің алтыншы курсында оқитын Ерасыл Әубәкіров жоғалып кеткен болатын. Ол Сарыарқа - Сейфуллин қиылысындағы үйінен сол жағалауға қарай шығып кетіп, табылмаған еді. Кейін, 10 ақпанда оның мәйіті зорлық белгілерімен табылған. 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір