• USD 389.52
  • EUR 429.21
  • RUB 6.07
  • CNY 54.94
14 Қазан, 09:07:53
Расул Жұмалы: Қандастардың «тау-тасты басып өттік» деуі қисынға келмейді

15 Қазан, 2016 NEWS

Қостанайда театр директоры немересінің тойын ұжымның қаражатымен өткізген

Қостанай облыстық І.Омаров атындағы қазақ драма театрының  бұрынғы директоры Нұрлан Ерекешев немересінің бір жасқа толуына орай театр қаражаты есебінен...

Қостанай облыстық І.Омаров атындағы қазақ драма театрының  бұрынғы директоры Нұрлан Ерекешев немересінің бір жасқа толуына орай театр қаражаты есебінен той жасаған, - деп хабарлайды Qamshy.kz «Егемен Қазақстанға» сілтеме жасап.

Қазір театрдың  бұрынғы директоры Нұрлан Ерекешевке, бас бухгалтер Гүлзада Бектұрсыноваға және кассир-бухгалтер Меңсұлу Күлтаеваға қатысты сот ісі жалғасуда. Онда белгілі болғандай, бұрынғы директор, бас бухгалтер және кассир-бухгалтер ұйымдасып, театрға бөлінген 163 миллион теңгені талан-таражыға салған. Олар ай сайын банктен алған қаржының едәуір бөлігін бөлісіп отырған. Оның 80 пайызы директорға, қалған 20 пайызы бас бухгалтер мен кассир-бухгалтерге тиесілі болған.

Сотта мәлім болғандай, бұрынғы директор 2005 жылдан 2016 жылы театрдан кеткенге дейін үйіне түскі тамаққа бармаған. Оған театр қаржысы есебінен кабинетіне түстік дайындалған. Үш бөлме үйінің  коммуналдық қызметі үшін төлемінің барлығы театр есебінен төленген. Астанадағы немересінің бір жасқа толу тойына бір миллионнан астам теңге ақша да театр есебінен жұмсалған. Қостанайдан шақырылған кісілердің пойызға  билеті де театр есебінен алынған.

Театр басшылары бюджет қаржысын талағаны былай тұрсын, спектакльдерге билет сатудан  түсетін қаржыны өтірік өсіріп көрсетіп келген.  Театр табысының жоспары «орындалғандықтан» директордың жалақысына айына 50 пайызға дейін үстеме ақша қосылған. Оның сыртында жоспарды «орындаған» театр ұжымына жылына екі рет сыйақы төленген. Бұл көрсетілген фактілер  театр басшысы, бас бухгалтері мен кассиріне тағылған айыптың оннан бірі ғана деуге болады.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір