Фото: egemen.kz
Алматы қаласының әкімі Бақытжан Сағынтаев 19 наурыз күні сағат 00:00-де енгізілетін карантиннің қалай жүзеге асатыны туралы мәлімдеме жасады.
Қала басшысының сөзінше, Алматыдағы карантиннің басты мақсаты – инфекцияның таралуын тоқтату.
Карантин бойынша төмендегідей шаралар қолға алынбақ:
– Өзін-өзі оқшаулау және үй карантині механизмдері арқылы эпидемияға қарсы ауқымды іс-шараларды жүргізу;
– Көшелерді, тратуарларды жуу, дезинфекциялау арқылы жұғу органдарын бұғаттау;
– Қоғамдық орындарда, тұрғын үйлерде санитардық-эпидемиологиялық дезинфекцияны күшейту;
– Азаматтар мен автокөлік құралдарының Алматы қаласы аумағына кіріп-шығуын шектеу. Қалаға кіреберістерде 27 блок-бекеттерін орнату. Бекеттерде патрульдік полиция полкі, қорғаныс министрлігі мен ұлттық гвардия күштері жұмылдырылады.
– Қалаға бірінші қажетті тауарларды (азық-түлік, дәрі-дәрмек, гигиена құралдары) әкелу үшін жасыл дәліз құрылады;
– Карантин кезеңінде балабақшалардың, азық-түліктік емес сауда орындарының, рін ойын-сауық орталықтары мен сауда үйлерінің жұмысы тоқтатылады.
Алдағы уақытта Алматы аумағында шектеу, алдын алу және індетке қарсы шаралардың толық тізбесі жарияланады.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір