Азаттық тілшілері Атырауда болған митингке қатысты парламент депутаттарының пікірін сұрап-білді, - деп хабарлайды Qamshy.kz.
Депутататтардың дені бұл оқиға туралы пікір білдіруді жөн көрмейтіндерін аңғартқан. Көбі тілші сұрағынан "Көрмедім,білмедім" деп құтылғысы келеді. Ал, кей депутаттар тіпті, журналистерді кабинеттерінде қабылдаудан бас тартқан.
Халық арасында "ұлтжанды депутат" деген бағаға ие Бекболат Тілеухан болса, жақын күндері осы мәселеге орай бір-екі күннің ішінде нақты ұсынысын айтатынын жеткізген.
"Бұл мәселені шамадан тыс саясиландыруға болмайды. Оның үстіне қоздырып жатқан елдің тура сезімге тиетін нәрсемен ішкі, сыртқы күштердің араласуын көріп отырсыздар", - дейді Б. Тілеухан.
