Бірқатар Парламент депутаттары қызмет орындарына тыйым салынған байланыс құралдарын алып өтіп, жұмыс барысында емін-еркін пайдаланып жүр, - деп хабарлайды Qamshy.kz newtimes.kz – ке сілтеме жасап.
Парламент палаталарының бірлескен отырысында бірқатар халық қалаулылары смартфондарымен фототілшілердің нысанасына ілінген.
Атап айтқанда, депутаттар Майра Айсина, Артур Платонов, Азат Перуашев, Бекболат Тілеухан, Зәуреш Аманжолова, Мұхтар Тінікеев, Білім және ғылым министрі Ерлан Сағадиев 24 наурыздан бері мемлекеттік органдардың ғимараттарына интернет желісіне қосылатын байланыс құралдарын алып өтуге тыйым салынғанынан хабарсыз сияқты.
