Бір адам Нью-Йорк қаласының Орталық паркінде серуендеп жүрген кезде, құтырған бір иттің кішкентай қызды талайын деп жатқанын көреді. Жүгіріп барып итті қыздан алшақтатуға тырысады. Ұзақ арпалыстан соң, қолдары мен аяқтары жара-жара болса да, ақыры итті өлтіреді. Кішкентай қыздың өміріне енді қауіп төніп тұрған жоқ. Осы кезде оларды бір полиция қызметкері көріп, қастарына жүгіріп келеді. Қызды құтқарып қалғаны үшін адамды құшақтап алғысын жаудырып: “Сен – қаһармансың! Ертең барлық газеттер сен туралы жазатын болады. Мақала тақырыбы да былай болмақ:

– Ержүрек нью-йоркшы кішкентай қызды құтқарып қалды.

Жігіт таңдана қарап: “Бірақ мен нью-йоркшы емеспін!” дейді. Полицейлік: “Ештеңе етпейді, ондай болса тақырып былай болар:

– Ержүрек американдық кішкентай қызды құтқарып қалды”.

– Бірақ мен американдық та емеспін, – дейді жігіт. Полицейлік таң қалып: “Енді қай жақтансың?” - деп сұрайды.

– Мен Ирактанмын! – дейді қызды құтырған иттен құтқарып қалған ер адам.

Осыны естіген полицейлік үндемей қалады. Ертеңіне барлық газеттерде “Радикалды исламист байғұс американдық итті өлтіріп кетті” деген тақырыппен мақалалар жарық көреді.