Олимпиада чемпионы Дмитрий Баландин Универсиаданың үшінші медалін салды деп хабарлайды Qamshy.kz ақпарат агенттігі Vesti.kz сайтына сілтеме жасай отырып. Баландин қола медаль жеңіп алды.  Қазақстандық жүзуші жазғы Универсиададағы бірінші жарысын үшінші орынмен бастады. Брасс әдісімен 100 метр қашықтыққа жүзуден финалда ол жеңімпаздан сәл ғана қалыс қалып, 1 минут және жүзден 17 көрсеткішімен келді.

Бұл жарысты белорус Илья Шиманович жеңімпаз атанды – 1 минут жүзден 15. Мұндай нәтижені америкалық Эндрю Уилсон көрсеткен, сондықтан фотофиништің көмегі қажет болды. Ертең Баландин Олимпиадада алтын медаль жеңіп алған 200 метр қашықтыққа жүзуден жарысады.  Айта кетейік, өткен Универсиадада ол екі жүлде жеңіп алған еді: алтын медаль (брасс әдісімен 100 метр) және қола медаль.

Еске салайық, бүгін Қазақстан құрамасы бір алтын медаль алған болатын. Ауыратлет Альберт Линдер 69 келіге дейінгі салмақ дәрежесінде Универсиаданың екі бірдей рекордын жаңартып, жеңімпаз атанған. Ал оның алдында зілтемірші Арли Чонтей қола медаль иеленген еді.