Тұрғындар сұранысының артуына байланысты «Жолаушы тасымалы» АҚ Жаңа жыл қарсаңында қосымша пойыздарды шығарды, деп хабарлайды Qamshy.kz ақпарат агенттігі ХАА компанияның баспасөз қызметіне сілтеме жасап.

Қосымша пойыздар төмендегі бағдарлар бойынша қатынайды: «Астана Нұрлы жол-Павлодар» бағытында №174/173 пойыз 1 рейс жүреді. Пойыз Астанадан 30 желтоқсан  23 сағат 50 минутта жолға шығып, Павлодарға 31 желтоқсан  05 сағат 46 минутта жетеді. Кері бағытта Павлодардан 31 желтоқсан  09:15-те жүріп, Астанаға 31 желтоқсанда 15:15-те жетеді.

Пойыздың 22 «Тұлпар-Тальго» жолаушы вагоны бар, соның екеуі «Бизнес», біреуі «Гранд», тағы біреуі «Гранд PMR» класының вагондары болса, қалған 18-і «Турист» класының вагондары. Орындар саны - 346.

«Астана Нұрлы жол-Шымкент» бағытында №178/177 пойыз 2 рейс жасайды. Пойыз Астанадан 27 және 29 желтоқсан 22:30-да жолға шығып, Шымкентке 28 және 30 желтоқсан 17:05-те жетеді. Кері бағыттағы пойыз Шымкенттен 28 және 30 желтоқсан  18:05-те жолға шығып, Астанаға 29 және 31 желтоқсанда 12:54-те жетеді.

Пойыздың 24 «Тұлпар-Тальго» жолаушы вагоны бар, соның екеуі «Бизнес», біреуі «Гранд PMR» класының вагондары болса, қалған 21-і «Турист» класының вагондары. Орындар саны - 425. Еске сала кетсек, бұрын мереке күндері сұранысы жоғары бағыттар бойынша қосымша тағы 15 пойыз шығарылған болатын.