Жаңа жыл мерекесі қарсаңында Алматы қаласының тұрғыны Майсарова Мединаға елбасының  атынан мерекелік сый табысталды деп хабарлайды Qamshy.kz ақпарат агенттігі Almaty.tv-ға сілтеме беріп. Осыдан тура 1 ай бұрын 5-ші сынып оқушысы президентке хат жазып, күшік сұраған екен. Мемлекет басшысы бүлдіршіннің  арманын аяқсыз қалдырмады. Елбасының атынан асыл тұқымды күшікті тура жаңа жыл қарсаңында Мединаның өзіне медеу ауданының   әкімдігі тарту етті.

«1 ай бұрын мен Президентке хат жаздым. Өзімнің күшігім болса екен деп бұрыннан армандайтынмын. Ал анам үнемі қарсы болатын. Маған сүп-сүйкімді күшікті сыйлаған кезде, қуанышымда шек болмады. Бастапқыда таң қалдым, осындай да болады екен деп. Өзім сияқты балаларға айтарым, үміттерің үзілмесін, армандар орындалады екен», - деді Медина Майсарова.