Жамбыл облысының Қордай ауданындағы жантүршігерлік апатқа кінәлі деген күдікке автобус жүргізушісі де ілікті. Ол екі айға тергеу абақтысына қамауға алынды деп жазады Qamshy.kz ақпарат агенттігі  sputniknews.kz сайтының дерегін негізге алып. Бұл туралы облыстық полиция департаменті Тергеу басқармасы бастығының орынбасары айтты. 

"Сол күні оның ҚР Қылмыстық кодексінің 345-бабы, 4-ші бөлігі бойынша іс-әрекеті сараланып, аудандық соттың қаулысы негізінде 2 ай мерзімге қамаққа алынды. Яғни, көлік құралын жүргізуші  "екі немесе одан көп адамның өліміне ұштасқан жол қағида ережелерін бұзды" деген күдікке ілінді. Егер оның іс-әрекеті сотта дәлелденсе, оған 10 жылға дейін бас бостандығынан айыру жазасы қолданылуы мүмкін", - дейді Жамбыл облыстық полиция департаменті тергеу басқармасы бастығының орынбасары Жарасқан Ақбердиев.

Ұсынған: Әсел Болатқызы