Алматыда коронавирус инфекциясын жұқтырған 847 жағдай тіркелді. Бұл туралы қала әкімдігінің баспасөз қызметі хабарлады. 

Кеше тағы 5 адам вирус жұқтырғаны анықталды.

Олардың төртеуі карантиндегі вирус жұқтырған науқаспен байланыста болғандар. Оның ішінде 1989 ж. т. 2 ер адам және 1971, 1958 ж. т. 2 әйел кісі, ал бесіншісі кеше Атырау - Алматы рейсімен ұшып келген 1988 ж. т. әйел. Ұшып келген соң экипаждың барлық мүшелері карантинге орналастырылды.

Жұқпалы аурулар стационарларында коронавирустық инфекциядан емдеуде Алматы облысынан пациентті есепке алғанда, 744 адам бар.

2 науқастың жай-күйі аса ауыр деп бағалануда, 29 адамда – ауыр, 214 адамда – ауырлықтың орташа дәрежесінде және қалғандарында – қанағаттанарлық.

Екі науқас тыныс алу жеткіліксіздігіне байланысты ӨЖЖ аппаратында болады.

Провизорлық госпитальдарда 481 адам жатыр, оның ішінде – 11 бала, карантиндік оқшаулауда 415 адам, оның ішінде 5-і бала. Провизорлық және карантиндік стационарларда бос орындар жеткілікті екендігін айта кеткен жөн.

Статистика бойынша Алматыда 97 жасар әйелдің қатыс болуы ми қан айналымының жіті бұзылуынан туындаған қайтымсыз органикалық дертінің салдарынан туындаған. Бұл ретте, коронавирустық инфекция, басқа да бірқатар ауыр аурулары сияқты қосымша болып табылды.

Осыған байланысты, Алматы қаласы Қоғамдық денсаулық басқармасы жанындағы КВИ-ға оң талдауы бар пациенттердегі Қайтыс болумен аяқталған жағдайларды зерделеу жөніндегі комиссия (ҚБЖЗК) бұл жағдайды КВИ себебі бойынша қайтыс болу жағдайна жатқызбау туралы шешім қабылдады.

96 адам сауығып емдеуден шығарылды, оның ішінде 6-ы балалар.

Кеше И. С. Жекенова атындағы Қалалық клиникалық жұқпалы аурулар ауруханасының филиалы (бұдан әрі – Жұқпалы аурулар ауруханасы) COVID-19 вирусын жұқтырған пациенттерді қабылдай бастады. Қазір мұнда 43 науқас бар.

Жұқпалы аурулар ауруханасы дәрігерлер үшін BI-Industrial құрылыс компаниясы рекордтық мерзімде (18 күн) салған модульдік кешенде орналасқан.

Модульдік кешенде палаталарда теріс қысым жасайтын желдету жүйесі жұмыс істейді: вирустары бар ауа палатадан тыс жерге енбейді, ол арнайы зарарсыздандыру жүйелеріне түседі.

Палаталарда герметикалық есіктер орнатылған, кәріз жүйесін тазалаудың ерекше жүйесі жұмыс істейді.

Бұл аурухананың 280 төсек-орынға есептелгенін естеріңізге сала кетейік. Құрылымына 9 клиникалық бөлімше, 28 төсек-орындық реанимация бөлімшесі, далаға жеке шығатын 10 бір орындық палаталар, бес орындық динамикалық бақылау палаталары бар қабылдау бөлімшесі кіреді.