Шығыс Қазақстан облысы коронавирустың таралуы бойынша "сары" аймаққа кірді. Бұл туралы облыс әкімі Даниал Ахметов өзінің Facebook парақшасында жазды.
– Ортақ күш-жігеріміздің және ШҚО тұрғындарының жоғары жауапкершілігінің арқасында біз COVID-19 инфекциясының таралу деңгейін төмендете алдық. Бүгінде аймақта коронавирустың көбею коэффициенті бәсеңдеді. Қарашаның басымен салыстырғанда репродуктивті R саны 1,85-тен 0,84-ке дейін, ал төсек қорының қамтылу пайызы 31,1-ден 14,5-ке дейін төмендеді. Вирус жұқтырғандар саны 7 қарашада 353 адам болса, кеше 73 құрады, – дейді ол.
Оның айтуынша, ШҚО коронавирус инфекциясының таралуы бойынша "қызыл" аймақтан шығарылды.
– Біз коронавирустың "сары аймағына" кірдік. Бұл қолданыстағы шектеулерге бірқатар жеңілдіктер енгізуге мүмкіндік береді. Алайда індеттен әзірге вакцина жоқ, сондықтан КВИ-ден ең сенімді қорғаныс – сақтық шаралары мен әлеуметтік қашықтық болып қала бермек. Біздің қазіргі басты міндетіміз – сырқаттың өсуіне жол бермеу, емдеу мекемелерінің тиімділігін арттыру және халықтың денсаулығын сақтауды қамтамасыз ету. Өзіңіз бен жақыныңызға қорған болыңыз, – деп жазды Даниал Ахметов.
Оставить комментарий