Атырауда 10 жасар бала тоңазытқыштың артына жасырынып, тоқ соғып қайтыс болды. Бұл туралы atpress.kz сайты хабарлады.
Қайғылы оқиға 30 қазан күні 14:45 шамасында болған. 2011 жылғы бала үйде тығылмақ ойнап жүріп, тоңазытқыштың артына жасырынған. Сол кезде оны тоқ соққан. Бұл туралы полицияға баланың әжесі хабарласып айтқан.
"Жедел жәрдем пультіне қоңырау сағат 14.45-те түсіп, бригада оқиға орнына 14.51-де жетті. Бала жедел жәрдем келгенше қайтыс болып кетті. Оның денесінен жарақаттар анықталмады. Мәйіт сараптамаға жіберілді. Аталған дерек бойынша тексеру жүріп жатыр" делінген полиция департаменті хабарламасында.
Оставить комментарий