Түркияда демалып жүрген Шешенстан президенті Рамзан Қадыровтың ауруханаға жатқызылғаны хабарланды. Бұл туралы түркиялық БАҚ хабарлады.
Бодрумдағы қонақ үйлердің бірінде демалып жүрген Рамзан Қадыров суға түсіп жүргенде денсаулығы күрт нашарлаған. Сол маңдағы күзет қызметкерлері жедел жәрдем шақырып, алғашқы көмек көрсеткен.
Шешенстан президентін жедел жәрдем арқылы ауруханаға жеткізген. Түркиялық БАҚ-тың хабарлауынша Рамзан Қадыровтың қазіргі жағдай жақсы, ол дәрігерлердің бақылауында.
Рамзан Қыдыровтың денсаулығы нашарлағаны туралы бұған дейін айтылып келді. Сондай-ақ ол өзінің президенттік орынға ұлдарының бірін дайындап жатыр деген ақпарат тараған еді.
