Түркістан облысының бас имамы Ержан Төлепов әкесін соққыға жыққан ер адамға қатысты пікір білдіріп, оның мешітке ешқандай қатысы жоқ екенін айтты
"Әлеуметтік желілерде Түркістан облысы, Шардара ауданында әкесіне қол көтерген азаматтың «мешіттің азаншысы» екені жөнінде жалған ақпарат тарады. Ресми түрде мәлімдейміз:
- Аталған азамат Қазақстан мұсылмандары діни басқармасының дін қызметкері емес;
- Ол мешітте ешқашан азан айтпаған және ресми діни қызмет атқармаған;
- Оның қызметі дін саласына қатысы жоқ, қосымша той жүргізуші (тамада).
Қазақстан мұсылмандары діни басқармасы мұндай әрекеттерді қатаң айыптайды. Сонымен бірге, ата-анаға құрмет – әрбір мұсылманның басты міндеті екенін қалың жұртшылықтың есіне салады", деп жазды Түркістан облысының бас имамы.
Айта кетейік, Шардара ауданында туған ұлы мен келінінен зорлық-зомбылық көрген қария 4 қыркүйек күні қайтыс болғаны белгілі болды.
