Apple компаниясы iPhone құрылғыларындағы жаңартылған Siri дауыстық көмекшісін іске қосу үшін Google-дың Gemini жасанды интеллект моделін пайдаланатынын мәлімдеді. Көпжылдық келісім аясында Gemini мен Google-дың  технологиялары Apple-дің жаңа AI мүмкіндіктерінің негізі болады.

Бұл қадам Siri-дің кешіктірілген AI-нұсқасын жылдам іске қосуға көмектеседі және Apple-дің жасанды интеллект саласында бәсекеге қабілеттілігін арттыруды көздейді. Сарапшылар бұл серіктестікті нарық үшін оң сигнал деп бағалады. Келісімнің қаржылық шарттары жарияланған жоқ, бірақ бұған дейін Apple Gemini үшін жылына шамамен $1 млрд төлеуі мүмкін деген ақпарат шыққан.

Жаңалықтан кейін Apple мен Google акциялары аздап өсті, ал Google нарықтық құны $4 трлн межесіне жетті.