АҚШ президенті Дональд Трамп Үндістанмен жаңа сауда келісімі аясында Нью-Дели ресей мұнайын сатып алуды тоқтатуға келіскенін мәлімдеді. Оның айтуынша, Үндістан енді мұнайды АҚШ пен мүмкін Венесуэладан алмақ, ал АҚШ Үндістан тауарларына салынатын негізгі тарифті 25%-дан 18%-ға төмендетеді.
Алайда Ресей бұл мәлімдемені растамады. Кремль өкілі Дмитрий Песков Мәскеу Үндістаннан ресей мұнай импорты тоқтайтыны туралы ешқандай ресми хабар алмағанын айтты. Ресей вице-премьері Александр Новак та жағдайдың қалай өрбитінін күту керектігін айтып, ресейлік энергия ресурстарына сұраныс сақталып отырғанын атап өтті.
Сарапшылар Үндістанның ресей мұнайдан толық бас тартуына күмәнмен қарайды. Ел 2022 жылы Украинадағы соғыс басталғаннан кейін арзандатылған ресей мұнайының ірі сатып алушысына айналған. Талдаушылардың пікірінше, Үндістан арзан энергияға мұқтаж, сонымен қатар Ресеймен тарихи, геосаяси және қорғаныс саласындағы байланыстарын сақтағысы келеді.
