Қазақстандық актрисалар Қарлығаш Мұхамеджанова мен Бибігүл Сүйіншалина Тұңғыш Президент туралы жаңа фильмде Нұрсұлтан Назарбаевтың қыздарының ролін сомдайтын болды. Бұл туралы «Қамшы» порталы Tengrinews.kz-ке сілтеме жасап хабарлайды.

Аталған ақпаратты жас актриса Бибігүл Сүйіншалина Instagram желісіндегі парақшасында жария етті. Әлеуметтік желіде ол "Жұлдыздар осылай жанған еді" фильміне костюм таңдау кезінде керемет @karlygashmuhamedzhanova-ны кездестірдім. Ол менің әпкем Дариға Назарбаева болып роль ойнайды, ал мен Динараның. Айтпақшы, екеуміз де опа-далапсыз тұрмыз", - деп жазды Сүйіншалина. 

Еске салайық, Президент туралы фильмнің бесінші бөлімін ресейлік режиссер Сергей Снежкин түсіріп жатыр. Ал Нұрсұлтан Назарбаевтың ролінде бесінші бөлімде Берік Айтжанов ойнайды, алдыңғы бөлімдерінде Президент болып Нұрлан Әлімжан ойнаған болатын.