Оңтүстік Суданның астанасы Джубада Ресейдің жүк таситын ұшағы апатқа ұшырады, - деп хабарлайды «Қамшы» порталы РБК-ға сілтеме жасап.
Жергілікті ақпарат құралдарының хабарлауынша, ұшақ бортында 12 адам болған. Апаттан соң олардың екеуі аман қалған. Ұшақ әуежайдан көтерілген соң көп ұзамай құлаған. Куәгерлер ұшақ сынықтары Ніл өзенінің жағалауында шашылып жатқанын хабарлаған. Кейбір ақпарат құралдары ұшақ құлаған аймақта қырық шақты адамның мүрдесі жатқанын жария еткен. Қазір бұл ақпарат нақтылану үстінде. Ұшақтың құлағанын Оңтүстік Судан басшылығы растап отыр. Билік өкілдері құлаған ұшақтың Ресейге тиесілі Ан-12 әуе көлігі екенін хабарлаған.
