Жер реформасы бойынша республикалық комиссияның отырысында комиссия мүшесі Дос Көшім "жерді сату мен жалға берудің арасында соншалықты айырмашылық та жоқ" деді, - деп хабарлайды Qamshy.kz.
«Жерге қатысты үш мәселе бар: бірінші экономикалық тиімділік, екінші қазақ халқының менталитеті мен психологиясы, үшінші бұрынғы жер реформасының нәтижесі. Біз қазір Қапшағайдың жағасына барып суға түсе алмай, балық аулай алмай қалдық. Алакөлде, Балқашта да жағдай солай. Қабанбай, Бөгенбайлар тіріліп келсе де өздері қорғаған жерде өзі еркін жүре алмайтын еді. Бұл 2003 жылы жерге меншік енгеннің нәтижесінде болып отыр», - деді Дос Көшім.
Сондай-ақ, «сату» және «жалға алу» бір термин, тіпті айырмашылығы жоқ екенін айтты.
