23 сәуір күні  сағат 19.00-де  Ғ.Мүсірепов атындағы Балалар мен жасөспірімдер театрында «Дүлдүл ән мен пырақ күй» атты ән мен күй кеші өтеді.

  Ұлыстың ұлы күнін ежелгі сақтар, ғұндардың ерекше тойлағандығы туралы деректер бар. Сондықтан, Наурыз парсылардың емес, өзіміздің төл мерекеміз. Кеште түркілердің Жаңа жылды қарсы алу дәстүрінен көрініс көрсетіледі. Көк түріктердің бүкіл әлемді жаулауының басты себебі – ең алғаш болып жаһанда атты ауыздықтап мінуі. Ал биыл жылқы жылы. Сол себепті де, жылқы тақырыбындағы ән мен күй кешін өткізуді жөн көрдік.

Кешке қатысушылар: «Тұран» тобы, «Алашұлы» тобы, Жоламан Құжиманов, Рамазан Стамғазиев, Сейіл Аяғанов, Ерлан Төлеутай, Еркін Шүкіманов, Тілеулес Құрманғалиев, Ұлжан Байбосынова, Айгүл Үлкенбаева, Талғат Мұқышев, Ерлан Құжиманов, Талғат Әбуғазы, Саят Нұрғазин, Жақсыгелді Майасар, Жасұлан Қоңыров, Бақтияр Ақымжанов, Жасұлан Сақаев және тағы басқалар.